Бүртгүүлэгчдийн анхааралд

Цар тахалын хорио цээрийн үед үнэт цаасны аж ахуй нэгжүүд ажиллахгүй байгаатай холбоотой их дээд сургуулиуд дипломоо хэвлэж чадахгүй байдалтай байгааг харгалзан үзэж Магистрын элсэлтийн бүртгэлд бүртгүүлэх боломжийг олгон тухайн сургуулийнхаа төгсөлтийн тушаал, дүнгийн тодорхойлолтын үндэслэл болгон оруулж бүртгүүлж болно.

---

2020-2021 оны хаврын улирлын шилжилтийн шалгалтыг цахим хэлбэрээр зохион байгуулна.

Бүртгэлийн нэгдсэн системд бүртгүүлэгчийн холбогдох мэйл хаягруу шалгалт авах холбоосыг шалгалтын комиссоос илгээнэ. Дээрх холбоосыг шалгалтын өдөр, цагт нэвтрэн орж тухайн гүйцэтгэх хугацаанд багтаан гүйцэтгэж илгээнэ.

Шалгалтад анхаарах зүйлс:

• Шалгалт эхлэх цагаас өмнө шалгалтын бэлэн байдлыг хангасан байна
• Шалгалтыг гүйцэтгэх хугацаанд багтаан хийж илгээх товчийг дарна. Хугацаагаа сайн тооцож шалгалт гүйцэтгэх хугацаанд хийж илгээхийг анхааруулъя.
• 2 үе шаттай шалгалтын хувьд эхний шалгалтад тэнцсэн бүртгүүлэгчтэй эргэн холбогдож 2дах шалгалтын мэдээллийг өгнө.
• Бүртгэл зөвхөн онлайнаар явах тул бүртгэлээс хоцорсон тохиолдолд шалгалтанд оруулахгүй болохыг анхааруулъя.
• Шаардлагатай бичиг баримтаа бүрэн оруулж, хөтөлбөр сонгох хэсгээс шилжих хөтөлбөрөө сонгон бүртгэлийн хураамжыг цахимаар төлж баталгаажуулна.
• БСШУСЯ-ны Боловсролын сургалтын мэдээллийн системд шалгуулагчийн диплом бүртгэлтэй байх ёстой.
• Шалгалтанд тэнцсэн бүртгүүлэгчдээс хяналтын тоонд багтаан элсүүлнэ.

• Элсэлтийн бүртгэлийг зөвхөн цахим хэлбэрээр http://burtgel.num.edu.mn/ хаягаар бүртгэнэ.
• МУИС-ийн Магистр, Докторын элсэлтийн бүртгэл 2020 оны 11-р сарын 10-ны 08:30-аас 2021 оны 01-р сарын 10-ны 17:30 хүртэл явагдана.
• Шаардлагатай бичиг баримтаа бүрэн оруулж, Хөтөлбөр сонгох хэсгээс элсэхийг хүссэн хөтөлбөрөө сонгон бүртгэлийн хураамжаа төлж баталгаажуулна.
• Бүртгэлийн хураамжаа онлайнаар төлөөгүй бүртгүүлэгч шалгалтанд орох боломжгүй.
• Элсэлтийн шалгалтын хуваарийг бүртгэлийн системд байршуулна.
• Бүртгүүлэгч нь бакалаврын зэргийн боловсролоо МУИС-д эзэмшиж 3.0 (ХЗС-ийн хувьд 3.3)-оос дээш голчтой төгссөн бол тухайн мэргэжлээрээ МУИС-ийн магистрын хөтөлбөрт шалгалтгүй элсэх боломжтой.

Бүртгүүлэгчид тавигдах шаардлага

• МУИС-ийн магистрын хөтөлбөрт бакалаврын зэрэгтэй иргэнийг элсүүлнэ.
• ХЗС-ийн магистртын хөтөлбөрт Эрх зүйн бакалаврын зэрэгтэй иргэнийг элсүүлнэ.
• Бүртгүүлэгч бүртгэлтэй холбоотой төлбөр тооцоог зөвхөн цахим хэлбэрээр хийнэ.
• Өмнө нь бүртгүүлж байсан бүртгүүлэгч нэвтрэх хэсгээр нэвтэрч, хөтөлбөрөө сонгож, хураамжийг дахин төлнө.
• Бүртгүүлэгч бүртгүүлэхээс өмнө "МУИС-ийн Магистр, докторын хөтөлбөрт суралцагч элсүүлэх журам"-тай танилцах үүрэгтэй.

Бүрдүүлэх материал

Бүртгүүлэхдээ бүртгэлийн анкет (тухайн үед тусгай маягтаар бүртгэнэ)-ыг бөглөж, дараах бичиг баримтуудын эх хувийг сканердаж цахим хэлбэрээр хавсаргана. Элсэх эрх олгох үед бүртгэлийн мэдээллийг эх бичиг баримтуудтай нь тулгаж баталгаажуулна.

• Иргэний үнэмлэх эсвэл түүнтэй адилтгах баримт бичиг, хуулбарын (ар, өвөр тал нэг нүүрэнд) хамт
• Магистрын хөтөлбөрт бүртгүүлэгч нь бакалаврын диплом, хавсралтын хамт
• Цээж зураг (сүүлийн 3 сард авахуулсан, 3x4 хэмжээтэй байх)
• Банкны цахим төлбөрийн системээр бүртгэл, шалгалтын хураамж төлнө (Голомт банк, Хаан банкны төгрөгийн цахим гүйлгээ хийдэг, өөрийн эзэмшдэг эсвэл өөр эзэмшигчийн (эзэмшигчийн зөвшөөрлөөр) картаар төлбөр хийх боломжтой. Мөн банкны салбарт очиж гүйлгээ хийх боломжтой бөгөөд гүйлгээний утга дээр Регистрийн дугаар болон холбогдох мэдээллээ оруулж шилжүүлэх ёстойг анхаарна уу)

Хуваарь / Чухал өдрүүд

Шалгалтын дэлгэрэнгүй мэдээллийг "шалгалтын хуваарь" хэсгээс харна уу.