Бүртгүүлэгчдийн анхааралд

Бизнесийн сургууль, Японы олон улсын их сургуулийн хамтарсан Бизнесийн менежментийн 1+1 хөтөлбөрийн Япон дахь сургалтын талаар дэлгэрэнгүй мэдээллийг бизнесийн сургуулийн хамтарсан хөтөлбөр хариуцсан мэргэжилтний 77307730 - /4118/, 88014061 дугаараас холбогдон авна уу.

---

2025-2026 оны намрын улирлын шалгалтыг танхимаар зохион байгуулна.

Шалгалтад анхаарах зүйлс:

• Шалгалт эхлэх цагаас өмнө шалгалтын бэлэн байдлыг хангасан байна.
• 2 үе шаттай шалгалтын хувьд эхний шалгалтад тэнцсэн бүртгүүлэгчтэй эргэн холбогдож 2 дахь шалгалтын мэдээллийг өгнө.
• Бүртгэл зөвхөн цахимаар явах тул бүртгэлээс хоцорсон тохиолдолд шалгалтад оруулахгүй болохыг анхааруулъя.
• Боловсролын яамны мэдээллийн системд шалгуулагчийн диплом бүртгэлтэй байх ёстой.
• Шалгалтад тэнцсэн бүртгүүлэгчдээс хяналтын тоонд багтаан элсүүлнэ.
• МУИС-ийн Магистр, Докторын элсэлтийн бүртгэл 2025 оны 07-р сарын 15-ны 08:30-аас 2025 оны 09-р сарын 10-ны 17:30 хүртэл явагдана.
• Шаардлагатай бичиг баримтаа бүрэн оруулж, Хөтөлбөр сонгох хэсгээс элсэхийг хүссэн хөтөлбөрөө сонгон, бүртгэлийн хураамжаа төлж баталгаажуулна.
• Элсэлтийн шалгалтын хуваарийг бүртгэлийн системд байршуулна.
• Бүртгүүлэгч нь бакалаврын зэргийн боловсролоо МУИС-д эзэмшиж 3.0 (ХЗС-ийн хувьд 3.3)-с дээш голчтой төгссөн бол тухайн мэргэжлээрээ МУИС-ийн магистрын хөтөлбөрт шалгалтгүй элсэх боломжтой.

Бүртгүүлэгчид тавигдах шаардлага

• МУИС-ийн магистрын хөтөлбөрт бакалаврын зэрэгтэй иргэнийг элсүүлнэ.
• ХЗС-ийн магистрын хөтөлбөрт Эрх зүйн бакалаврын зэрэгтэй иргэнийг элсүүлнэ.
• Бүртгүүлэгч бүртгэлтэй холбоотой төлбөр тооцоог зөвхөн цахим хэлбэрээр хийнэ.
• Өмнө нь бүртгүүлж байсан бүртгүүлэгч нэвтрэх хэсгээр нэвтэрч, хөтөлбөрөө сонгож, хураамжийг дахин төлнө.
• Бүртгүүлэгч бүртгүүлэхээс өмнө "МУИС-ийн Магистр, докторын хөтөлбөрт суралцагч элсүүлэх журам"-тай танилцах үүрэгтэй.

Бүрдүүлэх материал

Бүртгүүлэхдээ бүртгэлийн анкет (тухайн үед тусгай маягтаар бүртгэнэ)-ыг бөглөж, дараах бичиг баримтуудын эх хувийг сканердаж цахим хэлбэрээр хавсаргана. Элсэх эрх олгох үед бүртгэлийн мэдээллийг эх бичиг баримтуудтай нь тулгаж баталгаажуулна.

• Иргэний үнэмлэх эсвэл түүнтэй адилтгах баримт бичиг, хуулбарын (ар, өвөр тал нэг нүүрэнд) хамт
• Өмнөх боловсролын зэргийг нотлох баримт бичиг
• Цээж зураг (сүүлийн 3 сард авхуулсан, 3x4 хэмжээтэй байх)
• Банкны цахим төлбөрийн системээр бүртгэл, шалгалтын хураамж төлнө (Голомт банк, Хаан банкны төгрөгийн цахим гүйлгээ хийдэг, өөрийн эзэмшдэг эсвэл өөр эзэмшигчийн (эзэмшигчийн зөвшөөрлөөр) картаар төлбөр хийх боломжтой. Мөн банкны салбарт очиж гүйлгээ хийх боломжтой бөгөөд гүйлгээний утга дээр Регистрийн дугаар болон холбогдох мэдээллээ оруулж шилжүүлэх ёстойг анхаарна уу)

Хуваарь / Чухал өдрүүд

Шалгалтын дэлгэрэнгүй мэдээллийг "шалгалтын хуваарь" хэсгээс харна уу.