Бүртгүүлэгчдийн анхааралд

2024-2025 оны хаврын улирлын шилжилтийн шалгалтыг танхимаар зохион байгуулна.

АНХААРУУЛГА

Хоёрдогч бакалаврын хөтөлбөрийн суралцагч сургалтын хэлбэр (оройгоос эчнээ, эчнээгээс орой)-ээ өөрчлөх бол холбогдох тэнхим болон тухайн сургуулийн хөтөлбөр хариуцсан мэргэжилтэнд хандана.

Шалгалтад анхаарах зүйлс:

• Шалгалт эхлэх цагаас өмнө шалгалтын бэлэн байдлыг хангасан байна
• 2 үе шаттай шалгалтын хувьд эхний шалгалтад тэнцсэн бүртгүүлэгчтэй эргэн холбогдож 2дах шалгалтын мэдээллийг өгнө.
• Бүртгэл зөвхөн онлайнаар явах тул бүртгэлээс хоцорсон тохиолдолд шалгалтад оруулахгүй болохыг анхааруулъя.
• Шаардлагатай бичиг баримтаа бүрэн оруулж, хөтөлбөр сонгох хэсгээс шилжих хөтөлбөрөө сонгон бүртгэлийн хураамжийг цахимаар төлж баталгаажуулна.
• Шалгалтад тэнцсэн бүртгүүлэгчдээс хяналтын тоонд багтаан элсүүлнэ.

Бүртгүүлэгчид тавигдах шаардлага

• Хоёрдогч бакалаврын хөтөлбөрийн суралцагч хөтөлбөр хооронд шилжих бол хүсэлт гаргах улирлын өмнөх 2 жилийн хугацаанд аль нэг улиралд 12-оос багагүй багц цаг цуглуулж, нийт суралцсан хугацааны голч дүн 2.8 ба түүнээс дээш байна.

Бүрдүүлэх материал

Бүртгүүлэхдээ бүртгүүлэгч нь бүртгэлийн нэгдсэн систем дэх анкетыг бөглөж, дараах бичиг баримтуудыг оруулна. Үүнд:

• Иргэний үнэмлэх эсвэл түүнтэй адилтгах баримт бичиг;
• Суралцаж байгаа сургуулийн суралцагч мөн болохыг баталсан тодорхойлолт;
• Дүнгийн тодорхойлолт (тухайн сургуулийн сургалтын албаны тэмдэг, албан тушаалтны гарын үсэг, голч дүн, багц цаг бүхий албан бичиг);
• Бакалаврын хоёрдогч түвшний суралцагч бол өмнө нь эзэмшсэн бакалаврын диплом, дүнгийн хавсралт;
• Цээж зураг (зургийн шаардлагыг бүртгэлийн нэгдсэн системээс үзэх).

Шилжих хүсэлт амжилттай болсон үед бүртгэлийн мэдээллийг эх бичиг баримтуудтай нь тулгаж баталгаажуулна.(МУИС-ийн хөтөлбөр хооронд шилжих хүсэлт гаргах бүртгүүлэгчид хамаарахгүй)

Хуваарь / Чухал өдрүүд

Шалгалтын дэлгэрэнгүй мэдээллийг "Шалгалтын хуваарь" хэсгээс харна уу.