Бүртгүүлэгчдийн анхааралд

2025-2026 оны намрын улирлын шилжилтийн шалгалтыг танхимаар зохион байгуулна.

АНХААРУУЛГА

Мэргэжлийн магистраас судалгааны магистрт, судалгааны магистраас мэргэжлийн магистрт шилжих бол холбогдох тэнхим болон тухайн хөтөлбөр хариуцсан мэргэжилтэнд хандана.

Шилжилтийн бүртгэлийн системд бүртгүүлэх шаардлагагүй.

Шалгалтад анхаарах зүйлс:

• Шалгалт эхлэх цагаас өмнө шалгалтын бэлэн байдлыг хангасан байна.
• 2 үе шаттай шалгалтын хувьд эхний шалгалтад тэнцсэн бүртгүүлэгчтэй эргэн холбогдож 2дах шалгалтын мэдээллийг өгнө.
• Бүртгэл зөвхөн онлайнаар явах тул бүртгэлээс хоцорсон тохиолдолд шалгалтад оруулахгүй болохыг анхааруулъя.
• Шаардлагатай бичиг баримтаа бүрэн оруулж, хөтөлбөр сонгох хэсгээс шилжих хөтөлбөрөө сонгон бүртгэлийн хураамжыг цахимаар төлж баталгаажуулна.
• БЯ-ны дээд боловсролын мэдээллийн системд шалгуулагчийн диплом бүртгэлтэй байх ёстой.
• Шалгалтанд тэнцсэн бүртгүүлэгчдээс хяналтын тоонд багтаан элсүүлнэ.

Бүртгүүлэгчид тавигдах шаардлага

• Магистр, докторын түвшний бүртгүүлэгч нь хүсэлт гаргах улирлын өмнөх 2 жилийн хугацаанд аль нэг улиралд 6-аас багагүй багц цагийн хичээлийг амжилттай судалсан байна.
• Бүрэлдэхүүн сургуульд шилжих бол нийт суралцсан хугацааны голч дүн 2.8-аас дээш байх, салбар сургууль (Баруун бүсийн сургууль, Завхан дах Бизнес, мэдээллийн технологийн сургууль, Зүүн бүсийн сургууль)-д шилжих бол нийт суралцсан хугацааны голч дүн 2.5 ба түүнээс дээш байна.
• БЯ-ны дээд боловсролын мэдээллийн системд бүртгэлтэй байх.

Бүрдүүлэх материал

Бүртгүүлэхдээ бүртгүүлэгч нь бүртгэлийн нэгдсэн систем дэх анкетыг бөглөж, дараах бичиг баримтуудыг оруулна. Үүнд:

• Иргэний үнэмлэх эсвэл түүнтэй адилтгах баримт бичиг;
• Суралцаж байгаа сургуулийн суралцагч мөн болохыг баталсан тодорхойлолт;
• Дүнгийн тодорхойлолт (тухайн сургуулийн сургалтын албаны тэмдэг, албан тушаалтны гарын үсэг, голч дүн, багц цаг бүхий албан бичиг);
• Магистрын түвшний суралцагч бол бакалаврын диплом, дүнгийн хавсралт;
• Цээж зураг (зургийн шаардлагыг бүртгэлийн нэгдсэн системээс үзэх).

Шилжих хүсэлт амжилттай болсон үед бүртгэлийн мэдээллийг эх бичиг баримтуудтай нь тулгаж баталгаажуулна.(МУИС-ийн хөтөлбөр хооронд шилжих хүсэлт гаргах бүртгүүлэгчид хамаарахгүй)

---

Гадаадын их, дээд сургуулиас бүртгүүлэгчийн дүнгийн тодорхойлолтод тухайн оюутны цуглуулсан хичээлийн багц цаг, голч оноо, дүнг нь заавал заасан байх шаардлагатай.

Хуваарь / Чухал өдрүүд

Шалгалтыг бүртгэл дууссаны дараа 7 хоногт багтаан зохион байгуулна. Шалгалт авах огноо, байр, цагийг ШАЛГАЛТЫН ХУВААРЬ хэсгээс харна уу.