Бүртгүүлэгчдийн анхааралд

• Элсэлтийн бүртгэлийг зөвхөн цахим хэлбэрээр https://burtgel.num.edu.mn/ хаягаар бүртгэнэ.
• Бакалаврын зэрэгтэй иргэнийг бакалаврын өдрийн хөтөлбөрт элсүүлэх бүртгэл 2024 оны 05-р сарын 01-ний өдрийн 09:00 цагт нээж, 06-р сарын 03-ны өдрийн 12:00 хүртэл явагдана.
• Шаардлагатай бичиг баримтаа бүрэн оруулж, Хөтөлбөр сонгох хэсгээс элсэхийг хүссэн хөтөлбөрөө сонгон бүртгэлийн хураамжаа төлж баталгаажуулна.
• Бүртгэлийн хураамжаа онлайнаар төлөөгүй бүртгүүлэгч шалгалтанд орох боломжгүй.
• Элсэлтийн хяналтын тооноос давсан бүртгүүлэгч бүртгүүлсэн тохиолдолд элсэлтийн шалгалтыг журамд заасны дагуу 2024 оны 06-р сарын 15-ны дотор зохион байгуулна.
• Элсэх эрхтэй болсон бүртгүүлэгч нь 2024 оны 06 дугаар сарын 21-ний өдрийн 15:00 цаг хүртэлх хугацаанд элсэх эрхээ баталгаажуулах.
• Элсэх эрхээ баталгаажуулахдаа ерөнхий суурийн 1 багц цагийн төлбөрийг төлж баталгаажуулна. Тус төлбөрийг суралцагчийн сургалтын төлбөрт тооцно. Элсэх эрхээ цуцлах тохиолдолд төлбөрийг буцаан олгохгүй.

Бүртгүүлэгчид тавигдах шаардлага

• Бүртгүүлэгч бүртгүүлэхээс өмнө "2023 онд бакалаврын өдрийн хөтөлбөрт оюутан элсүүлэх журам"-тай танилцах үүрэгтэй.
• Бүртгүүлэгч бүртгэлтэй холбоотой төлбөр тооцоог зөвхөн цахим хэлбэрээр хийнэ.
• Бакалаврын өдрийн хөтөлбөрт ЭЕШ-гүй элсэх тохиолдолд заавал өмнө нь бакалаврын зэрэг эзэмшсэн байх шаардлагатай.

Бүрдүүлэх материал

Бүртгүүлэхдээ бүртгэлийн анкет (тухайн үед тусгай маягтаар бүртгэнэ)-ыг бөглөж, дараах бичиг баримтуудын эх хувийг сканердаж цахим хэлбэрээр хавсаргана. Элсэх эрх олгох үед бүртгэлийн мэдээллийг эх бичиг баримтуудтай нь тулгаж баталгаажуулна.

• Иргэний үнэмлэх эсвэл түүнтэй адилтгах баримт бичиг, хуулбарын (ар, өвөр тал нэг нүүрэнд) хамт
• Өмнө эзэмшсэн бакалаврын боловсролын диплом, хавсралтын хамт (гадаад хэл дээр бол Монгол хэлээр орчуулан нотариатаар гэрчлүүлсэн байна)
• Цээж зураг (сүүлийн 3 сард авахуулсан, 3x4 хэмжээтэй байх)
• Банкны цахим төлбөрийн системээр бүртгэл, шалгалтын хураамж төлнө (Голомт банк, Хаан банкны төгрөгийн цахим гүйлгээ хийдэг, өөрийн эзэмшдэг эсвэл өөр эзэмшигчийн (эзэмшигчийн зөвшөөрлөөр) картаар төлбөр хийх боломжтой. Мөн банкны салбарт очиж гүйлгээ хийх боломжтой бөгөөд гүйлгээний утга дээр Регистрийн дугаар болон холбогдох мэдээллээ оруулж шилжүүлэх ёстойг анхаарна уу)

Хуваарь / Чухал өдрүүд

Шалгалтын хуваарийг бүртгэл хаасны дараа гаргана.