Бүртгүүлэгчдийн анхааралд

2026 - 2027 оны хаврын улирлын Бакалаврын эчнээ хөтөлбөрийн шалгалтыг танхимаар зохион байгуулна.

Шалгалтад анхаарах зүйлс:

• Шалгалт эхлэх цагаас өмнө шалгалтын бэлэн байдлыг хангасан байна
• 2 үе шаттай шалгалтын хувьд эхний шалгалтад тэнцсэн бүртгүүлэгчтэй эргэн холбогдож 2 дахь шалгалтын мэдээллийг өгнө.
• Бүртгэл зөвхөн онлайнаар явах тул бүртгэлээс хоцорсон тохиолдолд шалгалтад оруулахгүй болохыг анхааруулъя.
• Шаардлагатай бичиг баримтаа бүрэн оруулж, хөтөлбөр сонгох хэсгээс хөтөлбөрөө сонгон бүртгэлийн хураамжыг цахимаар төлж баталгаажуулна.
• БЯ-ны Боловсролын сургалтын мэдээллийн системд шалгуулагчийн диплом бүртгэлтэй байх ёстой.
• Шалгалтад тэнцсэн бүртгүүлэгчдээс хяналтын тоонд багтаан элсүүлнэ.

---

• Эчнээ хөтөлбөрийн бүртгэл: 07 дугаар сарын 20-ны 08:30-аас 09 дүгээр сарын 20-ны 17:30 дуустал цахим хэлбэрээр http://burtgel.num.edu.mn/ хаягаар бүртгэнэ.
• Завхан сургуулийн эчнээгийн хөтөлбөрийн бүртгэл: Нэг жилд 2 удаа элсэлт авах ба намрын улиралд 07 дугаар сарын 20-ны 08:30-аас 09 дүгээр сарын 20-ны 17:30 дуустал тус тус бүртгэнэ.
• Шаардлагатай бичиг баримтаа бүрэн оруулж, Хөтөлбөр сонгох хэсгээс элсэхийг хүссэн хөтөлбөрөө сонгон бүртгэлийн хураамжаа төлж баталгаажуулна.
• Бүртгүүлэгч хэдэн ч хөтөлбөрт бүртгүүлэн шалгуулж болох ба элсэлтийн шалгалтдаа тэнцсэн зөвхөн нэг хөтөлбөрт суралцах эрх авна.
• Бүртгүүлэгч бүртгүүлсэн хөтөлбөрийн тоогоор бүртгэлийн хураамжийг цахимаар төлнө.
• Бүртгэлийн хураамжаа төлөөгүй бүртгүүлэгч шалгалтад орох боломжгүй.
• Шалгалтын хуваарь цэс дэх хуваарийн дагуу ирж /иргэний үнэмлэх түүнтэй адилтгах бичиг баримттай ирэх/ элсэлтийн шалгалт өгнө.

Бүртгүүлэгчид тавигдах шаардлага

• МУИС-ийн бакалаврын эчнээ хөтөлбөрт бакалаврын зэрэгтэй иргэнийг элсүүлэх ба Элсэлтийн ерөнхий шалгалт (ЭЕШ) өгсөн байхыг шаардахгүй.
• Бүртгүүлэгч нь элсэхийг хүссэн хөтөлбөрт харгалзах элсэлтийн шалгалт өгнө.
• Бүртгүүлэгч бүртгэлтэй холбоотой төлбөр тооцоог цахим хэлбэрээр хийнэ.
• Өмнө нь эзэмшсэн бакалаврын боловсролын диплом нь БЯ-ны Боловсролын сургалтын мэдээллийн системд бүртгэгдсэн байх.
• Бүртгүүлэгч бүртгүүлэхээс өмнө "МУИС-ийн бакалаврын орой, эчнээ хөтөлбөрт оюутан элсүүлэх журам"-тай танилцах үүрэгтэй.

Онлайн төлбөрийн системийг ашиглан бүртгэлийн хураамжийг төлнө. /Заавартай танилцана уу/

Бүрдүүлэх материал

Бүртгүүлэгч нь бүртгэлийн нэгдсэн системд хувийн болон системийн шаардсан бусад мэдээллийг зааврын дагуу бөглөж, дараах бичиг баримтын эх хувийг сканердаж цахим хэлбэрээр хавсаргана.

• Иргэний үнэмлэх эсвэл түүнтэй адилтгах бичиг баримт, хуулбарын (ар, өвөр тал нэг нүүрэнд) хамт
• Өмнө нь эзэмшсэн бакалаврын боловсролын диплом, хавсралтын хамт (Гадаадад бакалаврын боловсрол эзэмшсэн бол албан ёсны орчуулга хийлгэн, нотариатаар батлуулсан байх)
• Цээж зураг (сүүлийн 3 сард авахуулсан, 3x4 хэмжээтэй байх)

Элсэх эрх олгох үед бүртгэлийн мэдээллийг эх бичиг баримтуудтай нь тулгаж баталгаажуулна.

Хуваарь / Чухал өдрүүд

Шалгалтын дэлгэрэнгүй мэдээллийг "Шалгалтын хуваарь" хэсгээс харна уу.