Бүртгүүлэгчдийн анхааралд

2026-2027 оны намрын улирлын шалгалтыг танхимаар зохион байгуулна.

АНХААРУУЛГА

"Шилжин суралцах хөтөлбөрийн ЭШ-ын зөрүүгүй, тухайн элссэн жилийн МУИС-ийн тооцоолсон босго оноог давсан байх"

Дээрх шаардлагыг биелүүлээгүй бүртгүүлсэн тохиолдолд шилжилтийн шалгалтад оруулахгүй.

Журмын 10.4-т заасны дагуу БҮРТГЭЛИЙН ХУРААМЖИЙГ БУЦААН ОЛГОХГҮЙГ АНХААРНА УУ!!!

Иймд дээрх шаардлагыг сайтар нягтлаж үзээд бүртгүүлнэ үү!!!

Шалгалтад анхаарах зүйлс:

• Шалгалт эхлэх цагаас өмнө шалгалтын бэлэн байдлыг хангасан байна
• 2 үе шаттай шалгалтын хувьд эхний шалгалтад тэнцсэн бүртгүүлэгчтэй эргэн холбогдож 2дах шалгалтын мэдээллийг өгнө.
• Бүртгэл зөвхөн онлайнаар явах тул бүртгэлээс хоцорсон тохиолдолд шалгалтанд оруулахгүй болохыг анхааруулъя.
• Шаардлагатай бичиг баримтаа бүрэн оруулж, хөтөлбөр сонгох хэсгээс шилжих хөтөлбөрөө сонгон бүртгэлийн хураамжийг цахимаар төлж баталгаажуулна.
• Шалгалтад тэнцсэн бүртгүүлэгчдээс хяналтын тоонд багтаан элсүүлнэ.

Бүртгүүлэгчид тавигдах шаардлага

• Бүртгүүлэгч нь журмын 3, 4, 5-р зүйлийг хангасан оюутан байх.
• Бүртгүүлэгч бүртгэлтэй холбоотой төлбөр тооцоог зөвхөн цахим хэлбэрээр хийнэ.
• БЯ-ны Дээд боловсролын мэдээллийн системд бүртгэлтэй оюутныг журамд заасан шалгалтын оноонд үндэслэн хяналтын тоонд багтаан элсүүлнэ.

Бүрдүүлэх материал

• Бүртгүүлэхдээ бүртгүүлэгч нь бүртгэлийн нэгдсэн систем дэх анкетыг бөглөж, дараах бичиг баримтуудыг оруулна. Үүнд:
  
  • Иргэний үнэмлэх эсвэл түүнтэй адилтгах баримт бичиг;
  • Суралцаж байгаа сургуулийн суралцагч мөн болохыг баталсан тодорхойлолт;
  • Дүнгийн тодорхойлолт (тухайн сургуулийн сургалтын албаны тэмдэг, албан тушаалтны гарын үсэг, голч дүн, багц цаг бүхий албан бичиг);
  • Бакалаврын түвшний суралцагч бол бүрэн дунд, магистрын түвшний суралцагч бол бакалаврын зэргийн, докторын түвшний суралцагч бол магистрын боловсрол эзэмшсэнийг батлах баримт бичиг;
  • Бакалаврын түвшний суралцагч тухайн сургуульд элсэхдээ өгсөн ЭШ-ын батламж бичиг;
  • Цээж зураг (зургийн шаардлагыг бүртгэлийн нэгдсэн системээс үзэх).
  Шилжих хүсэлт амжилттай болсон үед бүртгэлийн мэдээллийг эх бичиг баримтуудтай нь тулгаж баталгаажуулна.(МУИС-ийн хөтөлбөр хооронд шилжих хүсэлт гаргах бүртгүүлэгчид хамаарахгүй)
  

  ---

  Гадаадын их, дээд сургуулиас бүртгүүлэгчийн дүнгийн тодорхойлолтонд тухайн оюутны цуглуулсан хичээлийн багц цаг, голч оноо, дүнг нь заавал заасан байх шаардлагатай.

Хуваарь / Чухал өдрүүд

Шалгалтын дэлгэрэнгүй мэдээллийг "Шалгалтын хуваарь" хэсгээс харна уу.